Համաձայն ՀՀ վարչապետի 2001թ. օգոստոսի 13-ի թիվ 599 որոշմամբ ստեղծված հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 04.08.2020թ. թիվ 102 դրական եզրակացության և ՀՀ կառավարության 2011 թվականի դեկտեմբերի 29-ի թիվ 1918-Ն որոշմամբ հաստատված կարգի, ղեկավարվելով <<Տեղական ինքնակառավարման մասին>> ՀՀ օրենքի 18-րդ հոդվածի 29-րդ և 31-րդ կետերով և ՀՀ Հողային օրենսգրքի 7-րդ հոդվածի պահանջներով.

Ապարան համայնքի ավագանին որոշում է`

1. ՀՀ Արագածոտն մարզի Ապարան համայնքի Շողակն գյուղի վարչական սահմաններում գտնվող պետական սեփականություն հանդիսացող 02-077-0174-0001 ծածկագրից՝ 3.9165հա անտառային նպատակային նշանակության անտառների գործառնական նշանակության հողամասը փոխել և այն դարձնել որպես գյուղատնտեսական նպատակային նշանակության՝ արոտավայրերի գործառնական նշանակության:
2. Համայնքի ղեկավարին`ապահովել <<Քաղաքաշինության մասին>> ՀՀ օրենքի 143 –րդ հոդվածի 30-րդ մասի սահմանված կարգով նշված փոփոխությունն և այն արտացոլել հերթապահ քարտեզում:
3. Փոփոխված հողամասը պետական գրանցում ստանալուց հետո ընդգրկել 2021թ. հողային հաշվեկշռում:
4.Որոշման կատարման պատասխանատվությունը դնել քաղաքաշինության, հողաշինության և ծրագրերի բաժնի վրա: