2019թ. մարտի 1-ին Հայաստանի Հանրապետության փոխվարչապետ Տ.Ավինյանի N 24–Ա որոշմամբ <<Արմենիա Ֆյուչեր>> բարեգործական հիմնադրամի աջակցությամբ 2019 թ. փետրվարի 1-ից մինչև 2024 թ. փետրվարի 1-ը Ապարան համայնքի Լուսագյուղ վարչական տարածքում իրականացվելու է   
<< Լուսագյուղ գյուղի զարգացում>> ծրագիրը: «Արմենիան Ֆյուչր» հիմնադրամի կողմից մշակված բարե­գործական ծրագրի շրջանակում նախա­տես­վում է մշակել Լուսագյուղ վարչական տարածքի մաստեր պլանը, որն իր մեջ ներառելու է գյուղի ամբողջական ճարտարապետական և տնտեսական կոնցեպտը և համապատասխան այդ կոնցեպտի՝ իրակա­նաց­վելու են լայնածավալ աշխատանքներ: Բարեգործական ծրագրի իրականացումն ուղղված է լինելու համայնքի սոցիալ-տնտեսական կարևորագույն խնդիրների լուծմանը, զբոսաշրջային մեծ հետաքրքրության մեծացմանն ու աշխուժացմանը: Ծրագրի իրականացման բյուջեն կկազմի շուրջ 4,124,340,000 դրամ: