Գլխավոր էջ

14.08.20 ԲԱՐԻ ԳԱԼՈՒՍՏ www.aparan.am

Ողջունում եմ բոլորիդ Ապարան համայնքի պաշտոնական կայքէջ այցելելու համար:
Սա մի հարթակ է, որտեղ դուք կգտնեք ցանկացած տեղեկատվություն Ապարան համայնքի, նրա կառուցվածքի և ծավալած գործունեության մասին: Կայքում տեղադրված են իրականացված բոլոր աշխատանքները, ծրագրերը, նախագծերը, որոշումները և ապահոված են կատարված բոլոր աշխատանքների թափանցիկությունն ու հրապարակայնությունը:
Պաշտոնական կայքէջը լավագույնս է ներկայացնում ամենականաչ, ամենամիասնական և ամենաժողովրդավար համայնքը, որն ընթանում է զարգացման և առաջընթացի հաստատուն ուղիով:

Համայնքի ղեկավար՝ Կարեն Եղիազարյան

10.08.20 ԱՊԱՐԱՆ ԽՈՇՈՐԱՑՎԱԾ ՀԱՄԱՅՆՔՈՒՄ ԶԲՈՍԱՇՐՋՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆՆ ՈՒՂՂՎԱԾ ՆԵՐԴՐՈՒՄԱՅԻՆ ԱՌԱՋԱԿԻ ՎԵՐԱԲԵՐՅԱԼ ՀԱՆՐԱՅԻՆ ԼՍՈՒՄ

Ս/թ օգոստոսի 7-ին տեղի ունեցավ հանրային_լսում Արագած և Վարդենուտ վարչական տարածքներում, որի ընթացքում քննարկվեց Ապարան խոշորացված համայնքում զբոսաշրջության և գյուղատնտեսության զարգացմանն ուղղված ներդրումային առաջարկը:Հանդիպման ժամանակ քննարկվեց ներդրումային ծրագրի հայեցակարգային տարբերակը, ըստ որի նախատեսվում է Վարդենուտ և Արագած բնակավայրերի տարածքում կառուցել գերժամանակակից զբոսաշրջային ավան, որը ներգնա և արտագնա զբոսաշրջիկներին կառաջարկի ձմեռային և ամառային տուրիզմի տարատեսակ ծառայություններ՝ սկսած դահուկային սպորտի միջազգային ստանդարտներին համապատասխանող սահուղիներից և ճոպանուղուց, վերջացրած ձիարշավարանով և լեռնային հեծանվաուղիներով:Ծրագրի կարևոր բաղադրիչ է նաև տեղական էկոլոգիապես մաքուր ... Մանրամասն

05.08.20 ԱՊԱՐԱՆ ԽՈՇՈՐԱՑՎԱԾ ՀԱՄԱՅՆՔՈՒՄ ԶԲՈՍԱՇՐՋՈՒԹՅԱՆ ԵՎ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆՆ ՈՒՂՂՎԱԾ ՆԵՐԴՐՈՒՄԱՅԻՆ ԱՌԱՋԱԿԻ ՔՆՆԱՐԿՈՒՄ ԱՐԱԳԱԾՈՏՆԻ ՄԱՐԶՊԵՏԱՐԱՆՈՒՄ

Այսօր Արագածոտնի մարզպետ Դավիթ Գևորգյանը, Ապարանի փոխհամայնքապետ Հրայր Մկրտչյանը, Արագած և Վարդենուտ վարչական տարածքների ղեկավարները հանդիպում են ունեցել «Ռուցոգ Ինվեստ» ներդրումային հոլդինգի փոխնախագահ Նիկոլայ Կատաևի հետ` քննարկելու #Ապարան խոշորացված համայնքում զբոսաշրջության և գյուղատնտեսության զարգացմանն ուղղված ընկերության ներդրումային առաջարկը:Հանդիպման ժամանակ նախ ներկայացվել է ներդրումային ծրագրի հայեցակարգային տարբերակը, ըստ որի նախատեսվում է #Վարդենուտ և #Արագած բնակավայրերի տարածքում կառուցել գերժամանակակից զբոսաշրջային ավան, որը ներգնա և արտագնա զբոսաշրջիկներին կառաջարկի ձմեռային և ամառային տուրիզմի տարատեսակ ծառայություններ՝ սկսած դահուկային սպորտի միջազգային ստանդարտներին ... Մանրամասն

03.08.20 ՋՐԱՀԵՌԱՑՄԱՆ ՀԱՄԱԿԱՐԳԻ ԲԱՐԵԼԱՎՄԱՆ ԱՇԽԱՏԱՆՔՆԵՐ ԱՊԱՐԱՆ ՔԱՂԱՔՈՒՄ

Ապարանի Շահումյան և հարակից փողոցները շուտով կունենան ջրահեռացման բարելավված համակարգ։

Երկար տարիներ խցանված սելավատարերի պատճառով ջուրը անախորժություն և տարատեսակ անհարմարություններ էր ստեղծում բնակիչների համար։ Այժմ իրականացվում են ջրատար առուների մաքրման և ջրահեռացման նոր համակարգի ստեղծման աշխատանքներ։

17.07.20 !!ՈՒՇԱԴՐՈՒԹՅՈՒՆ

Ապարան համայնքի հարգելի բնակիչներ, կորոնավիրուսի կանխարգելման նպատակով
Կոչ ենք անում բակերում բացառել ավանդական ջրոցի խաղալը, խուսափել մարդաշատ վայրեր հաճախելուց և մարդկային կուտակումներ ենթադրող միջոցառումներից` նկատի ունենալով, որ վարակակիրների թիվը գնալով ավելանում է և պետք է հոգ տանենք բոլորի առողջության պահպանման համար։
‼️Ամեն տարի Ապարանում մեծ շուքով է նշվել Վարդավառը, սակայն այս տարի կոչ ենք անում շարունակել հետևել պարետատան պահանջներին ու սահմանած կանոններին։

10.07.20 ԻՐԱԶԵԿՈՒՄ

Ապարան համայնքի հարգելի բնակիչներ, համաձայն ՀՀ պարետի 2020 թ. մայիսի 3-ի թիվ 63 որոշման N 17 հավելվածի` խնդրում ենք հոգեհանգստի և հուղարկավորության արարողությունների ընթացքում խուսափել մարդկանց կուտակումներից։ Թաղման և հուղարկավորության արարողություններին մասնակցել բացառապես ընտանիքի անդամներով և ամենամոտ հարազատներով։

29.06.20 ՕՐ ՕՐԻ ԾԱՂԿՈՂ ՁՈՐԱԳԼՈՒԽ(Լուսանկարներ)

Գյուղական բնակավայրերի շենացումը առաջնային տեղ է զբաղեցնում համայնքի տեսլականում։ Համայնքի վարչական տարածքների հիմնախնդիրները երբեք չեն անտեսվել և ժամանակի ընթացքում ստացել են և շարունակում են ստանալ իրենց լուծումները։Եթե ժամանակին անիրական էր թվում ունենալ կառուցապատված, բարեկարգ գյուղական բնակավայր,այժմ այն իրականանում է ` վստահություն ներշնչելով և ուրախություն հաղորդելով նաև բնակիչներին։Ապարան համայնքի ամենագողտրիկ անկյունում` Ձորագլխում իրականացվում են լայնածավալ աշխատանքներ.Շատ ուրախալի է, որ ասֆալտապատվում է Ձորագլուխ-Թթուջուր միջհամայնքային ճանապարհը, իսկ համայնքապետարանի կողմից իրականացվում են գյուղամիջյան փողոցների հարթեցման, խմելաջրի և ոռոգման ցանցի անցկացման և վերանորոգման, ճանապարհամերձ ... Մանրամասն

21.06.20 ԱՊԱՐԱՆ ՀԱՄԱՅՆՔԻ ՂԵԿԱՎԱՐ ԿԱՐԵՆ ԵՂԻԱԶԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԲՈՒԺԱՇԽԱՏՈՂԻ ՏՈՆԻ ԿԱՊԱԿՑՈՒԹՅԱՄԲ

Շնորհավոր տոնդ, սիրելի բուժաշխատող։

Ձեր նվիրումի, ջանք ու եռանդի շնորհիվ փրկվում են կյանքեր։

Դուք առողջության դեսպանն եք և անձնվիրաբար եք կատարում ձեր աշխատանքը։

Մասնագիտական պարտականությունները մեծ պատասխանատվությամբ կատարելով` դուք դառնում եք հերոսներ, ովքեր իրենց կյանքը նվիրել են ուրիշի կյանքը փրկելու և առողջացնելու պատվաբեր գործին:

Աստված թող ձեզ քաջառողջություն, ուժ և համբերություն տա, որպեսզի միասին կարողանանք պայքարել համավարակի այս դժվարին փորձությունների դեմ։

Մեկ անգամ ևս շնորհավորում եմ ձեր մասնագիտական տոնի կապակցությամբ։