Հիմք ընդունելով քաղաքացի Մնացական Գրիգորի Եղիազարյանի դիմումը՝ իր կողմից 2023 թվականից վարձակալված և փաստացի տիրապետվող հողամասն ուղղակի վաճառքով իրեն օտարելու մասին, հաշվի առնելով Լուսագյուղ բնակավայրի վարչական ղեկավարի եզրակացությունը և այդ ուղղությամբ Ապարան համայնքի ղեկավարի դրական դիրքորոշումը, և ղեկավարվելով Հայաստանի Հանրապետության Հողային օրենսգրքի 48-րդ, 66-րդ, 67-րդ հոդվածներով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետի պահանջով.
Ապարան համայնքի ավագանին որոշում է՝ 1.Համայնքի ղեկավարին՝ առաջարկել հողամասի վարձակալ Մնացական Գրիգորի Եղիազարյանին՝ նախապատվության իրավունքով գնելու իր կողմից վարձակալված գյուղատնտեսական նշանակության հողամասը՝ 1 քառ. մետրը՝ 550 ՀՀ դրամ արժեքով:
2.Թույլատրել համայնքի ղեկավարին՝ վարձակալի կողմից սույն որոշման 1-ին մասի պահանջի կատարումից հրաժարվելու դեպքում, համայնքի սեփականություն համարվող՝ Լուսագյուղ գյուղում գտնվող, 02-051-0106-0002 կադաստրային ծածկագրով 0,3871 հա հողամասը աճուրդ-վաճառքի միջոցով օտարել՝ 1 քառ. մետրը՝ 550 ՀՀ դրամ մեկնարկային արժեքով:
3.Համայնքի ղեկավարին՝ ապահովել աճուրդի հրապարակայնությունը և թափանցիկությունը, նախապատրաստել համապատասխան փաստաթղթեր աճուրդ-վաճառքը պատշաճորեն կազմակերպելու և անցկացնելու համար: |