Զեկ. ՀՐԱՅՐ ՄԿՐՏՉՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, «Բյուջետային համակարգի մասին» ՀՀ օրենքի 20-րդ հոդվածի 4-րդ մասի բ) կետով, Հայաստանի Հանրապետության կառավարության 2006 թվականի նոյեմբերի 16-ի «Հայաստանի Հանրապետության պետական բյուջեից համայնքներին սուբվենցիաների տարամադրման կարգը հաստատելու մասին» N 1708-Ն որոշմամբ հաստատված N 2 հավելվածի 12-րդ կետով և հաշվի առնելով Ապարան համայնքի ղեկավարի առաջարկությունը.

Ապարան համայնքի ավագանին որոշում է.

1․ Տալ համաձայնություն համայնքի ղեկավարի առաջարկությանը և պետական բյուջեից նպատակային հատկացումներ (սուբվենցիա) ստանալու նպատակով թույլատրել ներկայացնելու հետևյալ ծրագրային հայտը ՝ 1․1․ «Ապարան համայնքի Նիգավան, Ծաղկաշեն, Սարալանջ, Եղիպատրուշ, Շենավան, Ձորագլուխ, Վարդենիս, Ջրամբար, Լուսագյուղ, Հարթավան, Արայի, Երնջատափ, Քուչակ, Մելիքգյուղ, Ափնագյուղ, Չքնաղ, Թթուջուր Կայք բնակավայրերի խմելու ջրի ջրագծերի կառուցում»

2. Համայնքի ղեկավարին՝ Սուբվենցիայի ստացման գործող կարգով կազմել և ՀՀ Արագածոտնի մարզպետարան ներկայացնել ծրագրերի ամբողջական փաթեթները։