|
02.12.22
ԲԱՐԻ ԳԱԼՈՒՍՏ www.aparan.am
|
|
Ողջունում եմ բոլորիդ Ապարան համայնքի պաշտոնական կայքէջ այցելելու համար:
Սա մի հարթակ է, որտեղ դուք կգտնեք ցանկացած տեղեկատվություն Ապարան համայնքի, նրա կառուցվածքի և ծավալած գործունեության մասին: Կայքում տեղադրված են իրականացված բոլոր աշխատանքները, ծրագրերը, նախագծերը, որոշումները և ապահոված են կատարված բոլոր աշխատանքների թափանցիկությունն ու հրապարակայնությունը:
Պաշտոնական կայքէջը լավագույնս է ներկայացնում ամենականաչ, ամենամիասնական և ամենաժողովրդավար համայնքը, որն ընթանում է զարգացման և առաջընթացի հաստատուն ուղիով: Համայնքի ղեկավար՝ Կարեն Եղիազարյան
|
|
|
29.11.22
ՈՒՇԱԴՐՈՒԹՅՈՒՆ
|
Ապարան համայնքի հարգելի՛ բնակիչներ, ՀՀ աշխատանքի և սոցիալական հարցերի նախարարությունն իրականացնում է բնակարանային ապահովության պետական աջակցության ծրագիր՝ քաղաքացիներին հնարավորություն տալով սահմանամերձ գյուղական բնակավայրերում կառուցել սեփական տունը՝ պետության աջակցությամբ։ Ծրագրի շրջանակում ֆինանսական աջակցություն է տրամադրվում հիփոթեքային վարկի մայր գումարի մինչև 16 մլն դրամի և դրա գծով մինչև 13% տոկոսադրույքի չափով հաշվեգրվող տոկոսագումարների մարման համար»: Ծրագրի անիմացիոն հոլովակը հասանելի է այս հղմամբ՝ |
|
|
29.11.22
ԱՐԱԳԱԾԻ ԺԱՄԱՆՑԻ ՆՈՐԱՍՏԵՂԾ ԿԵՆՏՐՈՆՆ ԱՐԴԵՆ ԻՍԿ ՇԱՀԱԳՈՐԾՎՈւՄ Է
|
Սիրով տեղեկացնում ենք, որ Արագած վարչական տարածքի բնակիչ Տիգրան Շահբազյանի բարերարությամբ վերանորոգված ժամանցի կենտրոնն իր հյուրընկալ դռներն է բացել բնակիչների առաջ, ովքեր իրենց ազատ ժամանակը այսուհետ կարող են անցկացնել հարմարավետ և ջերմ միջավայրում: |
|
|
15.11.22
ՇԱՐՈՒՆԱԿՎՈՒՄ ԵՆ ՀԱՄԱՅՆՔՈՒՄ ԵՎ ՎԱՐՉԱԿԱՆ ՏԱՐԱԾՔՆԵՐՈՒՄ ԻՐԱԿԱՆԱՑՎՈՂ ԼԱՅՆԱԾԱՎԱԼ ԱՇԽԱՏԱՆՔՆԵՐԸ
|
|
Արայի վարչական տարածքում իրականացվում են սելավատարի հունի մաքրության, խմելու ջրագծի վերանորոգման և վարչական շենքի հարակից տարածքում ստորգետնյա ջրերի հեռացման համակարգի կառուցման աշխատանքներ: Եղիպատրուշում շարունակվում են ոռոգման ջրի ներքին ցանցի կառուցման աշխատանքները: Փողոցների մաքրության աշխատանքներ են կատարվում Քուչակ, Եղիպատրուշ, Արագած, Ծաղկաշեն վարչական տարածքներում:
|
|
|
10.11.22
ՈՒՇԱԴՐՈՒԹՅՈՒՆ
|
|
"Դոմ Մոսկվի" մոսկովյան մշակութագործարարական կենտրոնը եւ Ապարանի համայնքապետարանը Ապարան քաղաքում հայտարարում են ռուսաց լեզվի երկամսյա անվճար դասըթացների ընդունելություն 7-14 տարեկան երեխաների համար։
Դասընթացները մեկնարկելու են 2022 թ․ նոյեմբերի 21-ից ։
Հայտերն ընդունվում են մինչև 2022 թ․ նոյեմբերի 18-ը։
Դասընթացներից առաջ կատարվելու է թեստավորում երեխաների լեզվի իմացության մակարդակը որոշելու համար։
Դասընթացներին գրանցվելու և մանրամասն տեղեկատվություն ստանալու համար անհրաժեշտ է զանգահարել +37433613213 (Արսեն Գրիգորյան) հեռախոսահամարով:
|
|
|
10.11.22
ԱՊԱՐԱՆ ՀԱՄԱՅՆՔՈՒՄ ԵՎ ՎԱՐՉԱԿԱՆ ՏԱՐԱԾՔՆԵՐՈՒՄ ԻՐԱԿԱՆԱՑՎՈՂ ԼԱՅՆԱԾԱՎԱԼ ԱՇԽԱՏԱՆՔՆԵՐԸ ՇԱՐՈՒՆԱԿՎՈՒՄ ԵՆ
|
|
Ապարան համայնքի Երնջատափ և Շենավան վարչական տարածքներում իրականացվում են ջրագծի վերանորոգման, Արայիում՝ երկու կամրջակների կառուցման, Շենավան վարչական տարածքում՝ փողոցների հարթեցման աշխատանքներ: Հարթավան, Քուչակ, Ափնագյուղ վարչական տարածքներում իրականացվում են մաքրության աշխատանքներ, Քուչակում բարեկարգվում են մայթերը, Արագածում իրականացվում են առուների բացման և ընդհանուր մաքրության աշխատանքներ: Համայնքային միջոցներով Չքնաղում կառուցվում է 2 կմ երկարությամբ խմելու նոր ջրագիծ:
|
|
|
05.11.22
ՀԵԾԱՆՎԱՅԻՆ ԱՐՇԱՎ ԱՊԱՐԱՆ ՔԱՂԱՔԻՑ ԴԵՊԻ ՎԱՐԴԵՆԻՍ ՎԱՐՉԱԿԱՆ ՏԱՐԱԾՔ
|
|
Նոյեմբերի 4-ին տեղի ունեցավ հեծանվային արշավ Ապարան քաղաքից դեպի Վարդենիս վարչական տարածք: ԵՄ Կայուն էներգիայի շաբաթվա (EU Sustainable Energy Week) շրջանակներում, Ապարանի համայնքապետարանը հայտարարել էր «Կանաչ համայնք» խորագրով հեծանվային արշավ-մրցույթ։ Ապարանից մեկնարկած հեծանվային մրցույթը մեծ աշխուժություն էր առաջացրել: Մրցանակային տեղեր զբաղեցրած մասնակիցները պարգևատրվեցին հովանավորների կողմից, ովքեր սիրով համաձայնեցին Ապարանի համայնքապետարանի նախաձեռնությանը մասնակից լինել: Շնորհակալություն ենք հայտնում թե´ մասնակիցներին, թե´ հովանավորներին:
|
|
|
04.11.22
ՀԱՄԱՅՆՔԻ ՂԵԿԱՎԱՐԸ ՀԵՏԵՎՈՒՄ Է ԱՍՖԱԼՏԱՊԱՏՄԱՆ ԱՇԽԱՏԱՆՔՆԵՐԻՆ
|
Համայնքի ղեկավար Կարեն Եղիազարյանն անձամբ մասնակցում է վարչական տարածքներում իրականացվող աշխատանքներին: Այս պահին համայնքապետը գտնվում է Երնջատափում և հետևում է ասֆալտապատման աշխատանքներին: |
|
| 1 2 3 4 5 6 7 8 9 10 ... |