|
25.03.25
ԲԱՐԻ ԳԱԼՈՒՍՏ www.aparan.am
|
|
Ողջունում եմ բոլորիդ Ապարան համայնքի պաշտոնական կայքէջ այցելելու համար:
Սա մի հարթակ է, որտեղ դուք կգտնեք ցանկացած տեղեկատվություն Ապարան համայնքի, նրա կառուցվածքի և ծավալած գործունեության մասին: Կայքում տեղադրված են իրականացված բոլոր աշխատանքները, ծրագրերը, նախագծերը, որոշումները և ապահոված են կատարված բոլոր աշխատանքների թափանցիկությունն ու հրապարակայնությունը:
Պաշտոնական կայքէջը լավագույնս է ներկայացնում ամենականաչ, ամենամիասնական և ամենաժողովրդավար համայնքը, որն ընթանում է զարգացման և առաջընթացի հաստատուն ուղիով: Համայնքի ղեկավար՝ Կարեն Եղիազարյան
|
|
|
23.03.25
ԱՊԱՐԱՆ ՀԱՄԱՅՆՔԸ՝ ՆԵՐԴՐՈՒՄՆԵՐԻ ՆՈՐ ԿԵՆՏՐՈՆ
|
Ապարանի համայնքապետարանի վերջին տարիների հետևողական և արդյունավետ աշխատանքի արդյունքում է, որ մեր համայնքը դարձել է խոշոր ներդրումների համար հետաքրքիր և գրավիչ: Համայնքի զարգացման գլխավոր ուղղություններից մեկը զբոսաշրջությունն է, որի վառ օրինակը MYLER Mountain Resortխոշոր ներդրումային ծրագիրն է։ Այս նախագիծը, լինելով տարածաշրջանի հսկան, նոր շունչ է հաղորդել Ապարանի տնտեսությանը՝ ստեղծելով աշխատատեղեր և խթանելով տեղական բիզնեսների զարգացումը։ Ապարանը շարունակում է ամրապնդել իր դիրքերը որպես առաջադեմ և ներդրումների համար բարենպաստ համայնք՝ առաջարկելով նոր հնարավորություններ տեղական և միջազգային գործընկերներին: |
|
|
20.03.25
ՀԱՅՏԱՐԱՐՈՒԹՅՈՒՆ
|
|
Ապարան համայնքի սիրելի՜ բնակիչներ, սիրով հրավիրում ենք ձեզ` մասնակցելու «Երիտասարդ Ապարան» խորագրով համերգային ծրագրին, որը տեղի կունենա մարտի 30-ին, ժամը 17:00-ին Ապարանի_Արվեստի_դպրոցում: Ելույթ է ունենալու ՄԻ ՍԱՐ նվագախումբը` գեղ. ղեկավար և գլխավոր դիրիժոր Արևիկ Թանաշեան։ Ծրագրում կհնչեն դասական, ժողովրդական, աշուղական և հայրենասիրական երգեր։
|
|
|
20.03.25
ՀՀ ՆԳՆ ՓԾ-Ն ՀՈՐԴՈՐՈՒՄ Է ՉԱՅՐԵԼ ԽՈՏԱԾԱԾԿ ՏԱՐԱԾՔՆԵՐԸ ԵՎ ԽՍՏԱԳՈՒՅՆՍ ՊԱՀՊԱՆԵԼ ՀՐԴԵՀԱՅԻՆ ԱՆՎՏԱՆԳՈՒԹՅԱՆ ԿԱՆՈՆՆԵՐԸ
|
|
Ապարան համայնքի հարգելի՛ բնակիչներ.
Հանրապետությունում հրդեհավտանգ իրավիճակով պայմանավորված՝ հորդորում ենք դաշտերում և այգիներում մաքրման աշխատանքներ իրականացնելիս չայրել խոտածածկ տարածքները: Միաժամանակ, անհրաժեշտ է խստագույնս պահպանել հրդեհային անվտանգության կանոնները: Հրդեհի կամ դրա անմիջական սպառնալիքի դեպքում զանգահարել 911:
|
|
|
19.03.25
ԻՐԱԶԵԿՈՒՄ ԵԿԱՄՈՒՏՆԵՐԻ ՏԱՐԵԿԱՆ ՀԱՅՏԱՐԱՐԱԳՐՄԱՆ ԵՎ ՍՈՑԻԱԼԱԿԱՆ ԾԱԽՍԻ ՓՈԽՀԱՏՈՒՑՈՒՄԻՑ ՕԳՏՎԵԼՈՒ ԸՆԹԱՑԱԿԱՐԳԻ ՎԵՐԱԲԵՐՅԱԼ
|
|
Ապարան համայնքի հարգելի՛ բնակիչներ.
Եթե դուք վճարում եք եկամտային հարկ և ներկայացրել եք եկամուտների տարեկան հայտարարագիրը, ապա Կառավարությունը առողջապահության և կրթության համար կատարված անկանխիկ ծախսերի փոխհատուցման հնարավորություն է տալիս։
Առողջապահության գծով սոցիալական ծախսի առավելագույն չափը տարեկան 50 000 դրամ է, իսկ կրթության գծով՝ տարեկան առավելագույնը 100 000 դրամ: Ստորև հարցուպատասխանի ձևաչափով ներկայացնում ենք սոցիալական ծախսի փոխհատուցումից օգտվելու ընթացակարգը և քայլերի հաջորդականությունը https://irazekum.am/event/view/223#
|
|
|
13.03.25
ԱՊԱՐԱՆԸ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2025 ԹՎԱԿԱՆԻ ԵՐԻՏԱՍԱՐԴԱԿԱՆ ՄԱՅՐԱՔԱՂԱՔ ԲԱՑՄԱՆ ԱՐԱՐՈՂՈՒԹՅՈՒՆ
|
|
Այսօր Ապարան համայնքի մշակույթի կենտրոնի դահլիճում տեղի ունեցավ ՀՀ 2025 թ. երիտասարդական մայրաքաղաքի պաշտոնական բացման արարողությունը։ Միջոցառմանը ներկա էին ՀՀ կրթության, գիտության, մշակույթի և սպորտի նախարար Ժաննա Անդրեասյանը, փոխնախարար Արթուր Մարտիրոսյանը, Արագածոտնի մարզպետի տեղակալ Միլադա Հովհաննիսյանը, մարզպետի աշխատակազմի կրթության, մշակույթի և սպորտի վարչության պետ Գալուստ Թադևոսյանը, ինչպես նաև պաշտոնատար այլ անձինք և հյուրեր։Հյուրերին ընդունեց Ապարան համայնքի ղեկավար կազմը՝ համայնքապետ Կարեն Եղիազարյանի գլխավորությամբ։ Արարողության ընթացքում կարևորվեց երիտասարդության դերը համայնքի զարգացման գործում, ներկայացվեցին տարվա ընթացքում նախատեսվող ծրագրերը և միջոցառումները, որոնք միտված են ...
Մանրամասն |
|
|
12.03.25
ՄՈԼՈՐԱԿԻ ԺԱՄԸ
|
|
2008 թվականից ի վեր Բնության համաշխարհային հիմնադրամի հայաստանյան մասնաճյուղի նախաձեռնությամբ Հայաստանում իրականացվում է աշխարհի ամենամեծ բնապահպանական շարժումը` «Երկրի ժամը»: Միջոցառմանը մասնակցում է ավելի քան 190 երկիր և 7000 քաղաք` մեկ ժամով անջատելով տվյալ երկրում խորհրդանիշ համարվող շենքերի, շինությունների, քաղաքների և բնակավայրերի հիմնական փողոցների լուսավորությունը: Այս տարի «Երկրի ժամը» ամբողջ աշխարհում անցկացվելու է մարտի 22-ին` ժամը 20:30-21:30-ին:
Ապարան համայնքը ևս միանալու է նախաձեռնությանը:
|
|
|
11.03.25
ՀԱՆԴԻՊՈՒՄ ԲՆԱԿԻՉՆԵՐԻ ՀԵՏ
|
|
Ապարան համայնքի ղեկավար Կարեն Եղիազարյանը տեղակալների հետ աշխատանքային այց է կատարել Արագած, Հարթավան և Երնջատափ բնակավայրեր։ Այցի ընթացքում համայնքի ղեկավար կազմը հանդիպում է ունեցել բնակիչների հետ, քննարկել նրանց հուզող խնդիրները և իրականացվող աշխատանքներն ու ծրագրերը:
|
|
| 1 2 3 4 5 6 7 8 9 10 ... |