Մեծ պահքին նախորդող հինգշաբթի օրը, ըստ Հայ Առաքելական Սուրբ Եկեղեցու տոնացույցի,Վարդանանց սուրբ նահատակների հիշատակության օրն է:Դրան նախորդող երեքշաբթի օրը մեր եկեղեցին նշում է Ղևոնդյանց,այսինքն Ղևոնդ Երեցի, Հովսեփ Հողոցմեցի կաթողիկոսի և ևս 7 հոգևորականների նահատակությունը,որը տեղի է ունեցել 454թվականին:
Իսկ Վարդանանք անունով ճանաչվում են այն բոլոր նահատակները, ովքեր իրենց արյունը թափեցին Ավարայրի ճակատամարտում 451 թվականին:
Ավարայրը քրիստոնյա աշխարհի թերևս առաջին ու միակ ռազմական բախումն էր,ուր լույսի և խավարի, կյանքի և մահվան,հավատի և հավատուրացության, հայրենիքի ու ստրկացման իրարամերժ գաղափարներն էին բախվում:
Հայ Եկեղեցին երախտագիտությամբ սրբացրել է Ավարայրի 1036 նահատակներին` Վարդան զորավարի գլխավորությամբ: