Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 6-րդ և 25-րդ կետերի, 38-րդ հոդվածի 1-ին մասի 6-րդ կետի պահանջներով, Ապարան համայնքի աշխատանքները պատշաճ, արդյունավետ իրականացնելու և զբոսայգիների կահավորումն ապահովելու նպատակով՝ խիստ անհրաժեշտություն է առաջացել լիզինգի միջոցով ձեռք բերել անհրաժեշտ գույք, մանկական խաղահրապարակներ և մարզասարքեր.

Ապարան համայնքի ավագանին որոշում է․

1.Լիզինգատուի հետ, Լիզինգատուի կողմից առաջարկվող/Լիզինգատուի իրավասու մարմնի կողմից որոշված պայմաններով (այդ թվում նաև՝ տոկոսադրույք, Լիզինգային վճարի նախավճար, տուժանք և այլն) Գույքը սեփականության իրավունքով ձեռք բերելու պայմանով, տոկոսադրույքով կնքել 776,146,200 (յոթհարյուր յոթանասունվեց միլիոն, հարյուր քառասունցեվ հազար երկու հարյուր) ՀՀ դրամ գումարի չափով, ընդ որում՝ գումարի չափի ավելացման հնարավորությամբ պայմանավորված, այդ թվում նաև՝ լիզինգի առարկաների ձեռքբերման հետ կապված ծախսերի /ներառյալ՝ ձեռքբերման պայմանագրով նախատեսված ինդեքսավորման, ներմուծման, փոխադրման ու մատակարարման ծախսերի և/կամ փոխարժեքի տատանմամբ և/կամ արժութային փոխարկմամբ, մինչև 60 ամիս ժամկետով (ժամկետի հաշվարկը սկսվում է Լիզինգի պայմանագրի շրջանակում հանձնման-ընդունման ակտի ստորագրման պահից) լիզինգի պայմանագիր (որոշման մեջ հիշատակվելու դեպքում, այսուհետ նաև՝ Լիզինգի պայմանագիր)՝ ապահովելով տոկոսադրույքի, լիզինգային վճարների, նախավճարի և Լիզինգի պայմանագրով (ներառյալ՝ հավելվածներով, հանձման-ընդունման ակտով) նախատեսվելիք այլ վճարումների պատշաճ կատարումը, որի շրջանակներում Հիմնարկի կողմից մրցույթների արդյունքում հաղթող ճանաչված ընկերությունից Լիզինգատուն ձեռք է բերելու 776,146,200 (յոթհարյուր յոթանասունվեց միլիոն, հարյուր քառասունցեվ հազար երկու հարյուր) ՀՀ դրամ արժեքով։
2.Կնքել/ստորագրել Լիզինգի պայմանագրի հավելվածները և (կամ) լիզինգի պայմանագրում փոփոխություն և (կամ) լրացում կատարելու համաձայնագրերը և ստորագրել վերջինիս կնքման համար անհրաժեշտ բոլոր փաստաթղթերը: Համաձայնություն տալ լիզինգի գումարի փոփոխմանը լիզինգի գումարի մեջ ներառվող վճարների և ծախսերի չափի փոփոխությամբ, ինչպես նաև արտարժույթի փոխարժեքի փոփոխությամբ պայմանավորված, փոփոխված չափին համապատասխան:
3.Երաշխավորել Ապարանի համայնքապետարանի կողմից Գույքի ձեռքբերման և պատասխանատվություն ստանձնել Լիզինգի պայմանագրի բոլոր կետերը ժամանակին կատարելու համար։
4.Հանձնարարել Հիմնարկի ղեկավար Կարեն Մերուժանի Եղիազարյանին հանդես գալ Հիմնարկի անունից Լիզինգատուի մոտ, ստորագրել/կնքել վերը նշված բոլոր պայմանագրերը նշված պայմաններով, ինչպես նաև Լիզինգատուի կողմից առաջարկած/առաջարկվող այլ պայմաններով ու տեքստով ըստ իր հայեցողության, Հիմնարկի անունից կատարել ցանկացած գործողություն, որն անհրաժեշտ կլինի սույն որոշմամբ ամրագրված գործարքի իրականացման համար։
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: