Այսօր: Շաբաթ, 17 Նոյեմբերի 2018թ.
Ապարանի համայնքապետարանի պաշտոնական կայք
Հյուրերի քանակը՝ 1121
ԱՊԱՐԱՆԻ ՀԱՄԱՅՆՔԱՊԵՏԱՐԱՆ
ՀԱՅՏԱՐԱՐՈՒԹՅՈՒՆՆԵՐ


ՆՈՐՈՒԹՅՈՒՆՆԵՐ
03.11.18 <<ԷԿՈՀԱՄԱԿԱՐԳԱՅԻՆ ԾԱՌԱՅՈՒԹՅՈՒՆՆԵՐԻ ԻՆՏԵԳՐՈՒՄԸ ԶԱՐԳԱՑՄԱՆ ՊԼԱՆԱՎՈՐՄԱՆ ԳՈՐԾԸՆԹԱՑՈՒՄ>> ՎԵՐԱՊԱՏՐԱՍՏՄԱՆ ԾՐԱԳՐԻ ԱՌԱՋԻՆ ՓՈՒԼՆ ԱՊԱՐԱՆ ԽՈՇՈՐԱՑՎԱԾ ՀԱՄԱՅՆՔՈՒՄ/Լուսանկարներ/
ՀՀ Պետական կառավարման ակադեմիան Գերմանիայի միջազգային համագործակցության ընկերության (GIZ) հետ համատեղ հոկտեմբերի 31-ից նոյեմբերի 2-ը իրականացրեց Է«Էկոհամակարգային ծառայությունների ինտեգրումը զարգացման պլանավորման գործընթացում» վերապատրաստման ծրագրի առաջին փուլը Արագածոտնի մարզի Ապարան խոշորացված համայնքի վարչական ղեկավարների և ավագանու անդամների համար: Դասընթացի ընթացքում մասնակիցները ստացան ինչպես տեսական գիտելիքներ, այնպես էլ գործնական հմտություններ Էկոհամակարգային ծառայությունների պահպանման և ընդլայնման վերաբերյալ, ծանոթացան Էկոհամակարգային ծառայությունների ինտեգրման 6 քայլերին։ Դասընթացի շրջանակներում ներկայացվեց «Զարգացման պլանավորման գործընթացում էկոհամակարգային ծառայությունների ... Մանրամասն
08.10.18 ՈՒՍՈՒՑՉԻ ՕՐԸ ԱՊԱՐԱՆ ՀԱՄԱՅՆՔՈՒՄ (Լուսանկարներ)

Շնորհավոր ձեր տոնը, սիրելի՛ ուսուցիչներ։ Ուսուցչի տոնի առթիվ կրթության բնագավառում ունեցած մեծ ավանդի և օրինակելի սերունդ դաստիարակելու համար Ապարան համայնքի դպրոցների լավագույն մանկավարժները հուշամեդալներ և պատվոգրեր ստացան համայնքի ղեկավարի կողմից: Նրանց տոնը իրենց կատարումներով առավել գեղեցկացրեցին Ապարանի մշակույթի տան սաները։ Եվս մեկ անգամ ջերմորեն շնորհավորում ենք ձեզ` Ուսուցչի օրվա կապակցությամբ, մաղթում երջանկություն, քաջառողջություն, աշխատանքային ու ստեղծագործական հաջողություններ:

04.10.18 ՀՀ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԶԱՐԳԱՑՄԱՆ ՆԱԽԱՐԱՐԻ ՏԵՂԱԿԱԼԻ ԱՅՑԸ ԱՊԱՐԱՆԻ ՀԱՄԱՅՆՔ (Լուսանկարներ)

Հոկտեմբերի 4-ին աշխատանքային այցով Ապարան համայնքում էր ՀՀ տարածքային կառավարման և զարգացման նախարարի տեղակալ Դավիթ Գևորգյանը։ Ապարան համայնքի ղեկավար Կարեն Եղիազարյանի ուղեկցությամբ ՀՀ ՏԿԶ նախարարի տեղակալը և Տարածքային զարգացման հիմնադրամի տնօրեն Աշոտ Կիրակոսյանը նախ շրջեց համայնքապետարանում, ծանոթացան կատարվող աշխատանքներին, առաջիկա ծրագրերին, ապա համայնքապետի ուղեկցությամբ այցելեցին Ապարան քաղաքի նորակառույց մանկապարտեզ, ուր համայնքապետը և հիմնադրամի տնօրենը ներկայացրեցին կատարված շինարարական աշխատանքներին։

04.10.18 ԳՐԱԴԱՐԱՆԱՎԱՐԻ ՕՐՎԱՆ ԸՆԴԱՌԱՋ (Լուսանկարներ)

Ապարանի համայնքային գրադարանում տեղի ունեցավ միջոցառում՝գրադարանավարի օրվան ընդառաջ։ Մինչ հանդիսավոր մասի սկսվելը՝ գրադարանի ակտիվ ընթերցողներից մի քանիսը պատահական անցորդների հետ զրուցեցին հոկտեմբերի 7-ի մասին, ապա գրքեր նվիրեցին նրանց։ Գրադարանում «Մեր անցած ուղին» խորագրով ցուցահանդեսի նյութերը նայելուց հետո սկսվեց միջոցառումը, որը ուներ հանդիսավոր և գեղարվեստական մասեր։

29.09.18 ԲԱՐԵԿԱՐԳՄԱՆ ԱՇԽԱՏԱՆՔՆԵՐ ԱՊԱՐԱՆ ՀԱՄԱՅՆՔԻ ՇԵՆԱՎԱՆԻ ՎԱՐՉԱԿԱՆ ՏԱՐԱԾՔՈՒՄ (Լուսանկարներ)

Ավարտին են մոտենում Ապարան համայնքի Շենավան վարչական տարածքի ճանապարհների բարեկարգման աշխատանքները։ Կատարվել են գյուղամիջյան ճանապարհների հարթեցման, փոսալցման և ասֆալտապատման աշխատանքներ, ինչպես նաև բարեկարգվել է նորակառույց եկեղեցու հարակից տարածքը, այնտեղ իրականացվել է ճանապարհների հարթեցում և ասֆալտապատում, պարսպապատվել և կանաչապատվել է եկեղեցու ամբողջ տարածքը։

27.09.18 ՍԵՄԻՆԱՐ-ՊԱՐԱՊՄՈՒՆՔ ՀԱՆՐԱԿՐԹԱԿԱՆ ԴՊՐՈՑՆԵՐԻ ՄԻՋԵՎ

Այսօր ՀՀ ֆուտբոլի ֆեդերացիան և Ապարանի մանկապատանեկան մարզադպրոցը մասսայական ֆուտբոլի զարգացման նախագծի շրջանակներում Ապարան համայնքի հանրակրթական դպրոցների համար կազմակերպել էին գործնական սեմինար-պարապմունք, որին նախորդեց համերգային ծրագիր։ Սեմինարից հետո մարզադաշտում կազմակերպվեցին խաղեր, որոնք անցան մեծ ոգևորությամբ։ Ծրագրին մասնակցում էին համայնքի դպրոցների 20 ուսուցիչ և 190 աշակերտ։ Միջոցառման ավարտից հետո հանրակրթական դպրոցներին հանձնվեց սպորտային գույք։

05.09.18 ՀԱՆՐԱՅԻՆ ԼՍՈՒՄ ԱՊԱՐԱՆ ՀԱՄԱՅՆՔՈՒՄ
«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի /21.06.2014թ. Հ0-110-Ն/ համաձայն, ինչպես նաև ՀՀ կառավարության 19.11.2014թ. N 1325-Ն որոշման հավելվածի 3-րդ գլխով սահմանված կարգով 2018թ. սեպտեմբերի 14-ին` ժամը 10:30  Ապարան համայքնի մշակույթի կենտրոնում /հացե՝ ք. Ապարան, Գարեգին Նժդեհ 4/ տեղի կունենա «ԱՔՍԵՍՍ Քոնսալթ» ՍՊԸ կողմից ներկայացված՝ «ԳՄՀԸ Կենսաբազմազանության Կայուն Կառավարումը Հարավային Կովկասում Ծրագրի աջակցությամբ Էյ-Թի-Փի բարեգործական հիմնադրամի կողմից Արագածոտնի մարզի Ապարան և Վարդենուտ բնակավայրերում հողապաշտպան անտառտնկարկներ հիմնելու աշխատանքների» շրջակա միջավայրի վրա ազդեցության նախնական գնահատման հայտի վերաբերյալ ... Մանրամասն
02.09.18 ՀԵԾԱՆՎԱՅԻՆ ԿԱՆԳԱՌ ԱՊԱՐԱՆՈՒՄ

Այսօր Ապարան քաղաքում տեղի ունեցավ հեծանվային կանգառի բացումը, որին զուգընթաց կազմակերպվել էր հեծանվարշավ, որը միտում ունի Ապարանում զարգացնելու արշավային տուրիզմը🚴🚴🚵🚵
Ապարանի համայնքապետարանի հետ համագործակցությամբ, World Vision Հայաստանյան գրասենյակի աջակցությամբ, հեծանվասպորտի ֆեդերացիան նախաձեռնել էր հեծանվային ճանաչողական տուր Ապարանից՝ Լուսագյուղի գեղատեսիլ լեռնային ճանապարհներով դեպի Հանքավան:

1 2 3 4 5 6 7 8 9 10 ...


Բոլորը
Տեսահոլովակներ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ Արագածոտնի մարզ, ք. Ապարան, Մ.Բաղրամյան 26

(0252) 2- 43-93

aparan.aragatsotn@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2018 Հեղինակային իրավունքները պաշտպանված են
ԱՊԱՐԱՆԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner